Network
Hadirin para muslimin muslimat se sami-sami e muljeagi Allah.
Sahubungan kalaben peristiwa parenta aqurban ka’dintoh beden kauleh tor para ajunan sadejeh bisah mundut I’tiber tor pangajeren kaanggui nalektegih abe’dibi’ sampek gen ka’dimmah pangabekteh se ampon ejelenagi sareng beden kauleh sadejeh e delem odi’ neng e dhunyah ka’dintoh,ponapah se ampon beden kauleh korbanagi edelem rangka pangabdiyen beden kauleh sadejeh de’ ka Allah SWT., kaanggui kapentingan Agemah ponah justru sabelik epon, tor kadeng agemah e korbanagi otabeh ebedih alat kaanggui kapentingan pribadi otabeh golongan .
Maka deri ka’dintoh e areh Aidul Adha e parentaagi kaanggui nyambelli hewan qurban se tade’ laen tojjuen epon kaanggui nguji kasiapan aqurban bileh sabektoh-bektoh e butoagi pangurbanan se lebbi rajah pole ben enaleka beden kauleh tor para ajunan sadejeh ngalamih cobaan edelem kaodien ka’dintoh bisah nyoba’ ngokor tor abendingngagi kalaben ponapah se ampon e alamih Nabi Ibrohim As. Ben hal ka’dintoh tade’ bendingngannah.
Kaanggui ngokor kadar kaimanan salasittongah kabulenah Allah, maka Allah pasteh bedih nguji kalaben ujian tor cobaan odi, begus se anyennengagi otabeh se nyussaagi seka’dimmah ampon terjadi e delem sejarah Nabi-Nabi mindiminah, akadiyeh ujiannah Nabi Sulaiman se e uji kalaben kakayaan, pangkat, tor kajejeen tor ilmu se luas, sabelik epon Nabi Ayyub e uji kalaben musibe kasengsaraan yekni kamiskenan, anak tor binih sedeh sadejeh, beden sake’ aontaon.
Berre’ tor demmangah ujian ben cobaan tergantung de’ ka kowat tor lemmanah Iman, ben Allah ta’ bekal apareng bebban de’ ummat epon angeng kalaben kamampuannah.
Baca Juga: Rekomendasi Wadah Daging Kurban Idul Adha yang Ramah Lingkungan, dari Besek Bambu Hingga Daun Jati
Aiyuhal Hadirun…. Para Jama’ah Aidul Adha se e muljaagi Allah.
Manabi emut de’ka artenah qurban secara bahasa ka’dintoh asallah deri debu
قرب- يقرب- قربانا
Se andi’ arteh semma’/masemma’, Qurban sobunglaen aropaagi salasittongah cara kaanggui lebbi masemma’ de’ ka Allah SWT. Ben taqorrub ka’dintoh aropaagi pancaran sinar ka imanan se bedeh edelem ateh. Ujian tor cobaan se ampon tebeh Nabi Ibrohim molaeh deri parenta ngasingngagi raji epon sitti hajar de’ katana bekkah.
