Network
E are samangken kaule sadeje Ummat Islam same same araya aghi Idul adha, mela dheri ka’dhinto ngireng Bedhen kaule sadeje Edelem perayaan Idul adha se sabben taoun ka’dhinto betul-betul edadhiyaghi settong pangajaren kaangguy sango kasalametan beden kaule sadeje e dunnyah kantos de’ aherat, perayaan iddul adha ka’dhinto ghun coma kalakoan sonnat , namung se lebbhi otama etembeng perayaan Idul adha engghi ka’dhintoh maraktek aghi sadeje amal ebede , pengorbanan tor perjuangan Nabi Ibrohim .
E are Idul Adha samangken ka’dhinto aropa aghi are se nyimpen settong sejarah manusia se agung, sejarah dari settong manusia se aghendhu’ gelar “Abul Anbiya’” (Bapaknah para nabi), Ibrahim se Asma epon bennya’ dikaitkan sareng nama Nabi Muhammad SAW. Setidaknya e sabben shalat sadeje muslim e dunnyah sering anyebut Asma belaiu.
Beden kaule sadeje ampon same same ngageli atas riwayat perjuangan tor pangorbanan sareng kasabberen Nabi Ibrohim edelem pangabektenah de’ Ka Alloh SWT, Nabi Ibrohim sareng potranah Isma’il AS. Memberikan suatu gemberen de’ bedhen kaule sadejeh edelem ngadepih Ujian kaodi’en tor caranah ngabdih otabe nyembe dhe’ ka alloh SWT se edelem sanyatanah.
Para jama’ah aidil adha Muslimin Muslimat Rohimakumullah.
Sahubungan sejarah ujian kaimanan NabiIbrohim sareng potranah Nabi Ismael As. Maka Allah SWT. Ampon Adebu e delem Al-Quran Suroh Assofat Ayat 100-102
رَبِّ هَبْ لِى مِنَ ٱلصَّٰلِحِينَ فَبَشَّرْنَٰهُ بِغُلَٰمٍ حَلِيمٍ
فَلَمَّا بَلَغَ مَعَهُ ٱلسَّعْىَ قَالَ يَٰبُنَىَّ إِنِّىٓ أَرَىٰ فِى ٱلْمَنَامِ أَنِّىٓ أَذْبَحُكَ فَٱنظُرْ مَاذَا تَرَىٰ ۚ قَالَ يَٰٓأَبَتِ ٱفْعَلْ مَا تُؤْمَرُ ۖ سَتَجِدُنِىٓ إِن شَآءَ ٱللَّهُ مِنَ ٱلصَّٰبِرِينَ
Se Arte epon: Duh Gusteh mugeh-mugeh aparengah ajunan de’ beden kauleh settong anak setamasok oreng-oreng se soleh. Maka segko’ aberri’ de’ ka Ibrohim kaber se mabunga ben malapang ateh iye areah lahireh Ismael. E nalekanah Ismael ka’dintoh ampon dibesah maka Nabi Ibrohim Adebu de’ ka Ismael “He.. anak sengko’ saonggunah sengko’ ningaleh be’nah edelem mimpeh je’ saonggunah sengko’ areyah E pakon Allah Ta’ala kaanggui nyambelli be’en” maka de’ remmah pendapatah be’nah.
Maka Ismael ajeweb “Du Aba kauleh, alaksanaaginah ajunan de’ ka parenta ka’dintoh, yektenah ajunan bedih manggiih de’ abdinah tamasok oreng-oreng se sabber.
Para jama’ah Idul Adha se e muljeagi Allah
Deri ayat ka’dintoh beden kauleh sareng ajunan sadejeh bisah kermekker je’saonggunah parenta nyambelli potrah sesanget e ka sayangih Nabi Ibrohim aropaagi ujian kaimanan se cokop berre”, saenggenah Nabi Ibrohim ngadebbih due’ pelean se sami-sami berre’ e antaranah cinta de’ ka Allah sareng cinta de’ ka anak, maka deri hal ka’dintoh setan nyuba’ kaanggui ngala’ kaontongan deri peristiwanah Nabi Ibrohim sareng Nabi Ismael ka’dintoh. Tatapenah Nabi Ibrohim sareng Nabi Ismael lebbi mele cinta de’ ka Allah maka setan ta’mampu agundek kaimanan para kakasenah Allah ka’dintoh.
