Network
“He para wong Mukmin kabeh, sira padha wedia ing Allah kalawan sajatining wedi, Ian sira aja padha mati, kajaba mati Islam.” (QS. Ali Imran: 102)
Jamaah shalat Jumat ingkang dipun rahmati Allah
Tiyang-tiyang ingkang bertakwa punika sejatose nggadhahi ciri-ciri utawi sifat-sifat ingkang gampil dipun tepangi wonten kalangan manungsa lan sampun cetho dipun sebataken wonten ing al-Quran al-Karim.
Setunggal: Iman dhateng ingkang ghaib kalih keimanan ingkang kokoh.
Iman dhateng ingkang gaib dados syarat fundamental lebet Islam. Keimanan menika gadhah artos pitados seyakin-yakinipun menawi wonten keyakinan ten jawining donya indrawi.
Entitas menika perkawis ingkang nyata dipun ajaraken Islam, sanes naming wucalan teori lan perumpamaan-perumpamaan. Wonten ing tembung sanes, bilih tiyang mukmin wajib yakin menawi wonten realitas ingkang mboten terjangkau dening nalar manungsa. Wonten entitas ten jawi daya visual lan daya penggalih manungsa.
Allah subhanahu wata’ala paring firman,
ذٰلِكَ الْكِتٰبُ لَا رَيْبَ ۛ فِيْهِ ۛ هُدًى لِّلْمُتَّقِيْنَۙ. الَّذِيْنَ يُؤْمِنُوْنَ بِالْغَيْبِ وَيُقِيْمُوْنَ الصَّلٰوةَ وَمِمَّا رَزَقْنٰهُمْ يُنْفِقُوْنَ ۙ
“Kitab al-Quran iki, ing sajerone wus ora ana mamang maneh terang saka ngarsaning Allah, dadi pituduh tumrap wong kang padha taqwa ing Allah. Yaiku wong kang padha iman angestokake prakara gaib, lan padha ngedegake sholat, sarta padha andanakake sebageyan rezeki kang wus Ingsun paringake ing dheweke.” (QS. Al-Baqarah: 2-3)
Keyakinan menika ingkang mbentenaken Islam kaliyan pendherek materialisme.
